28 vjeçari A.D ka përfunduar në pranga, pasi dyshohet të ketë plagosur viktimën S.D, ditën e premte në Samadraxhë të Suharekës.
I dyshuari ka shtënë tre herë me armë zjarri në drejtim të viktimës, duke e lënë të plagosur.
Vesel Gashi, nga Policia Rajonale në Prizren, në një prononcim për Klan Kosova ka bërë të ditur se A.D është arrestuar mëngjesin e së shtunës.
“Pas një pune intensive kemi arritur ta arrestojmë të dyshuarin. Pas intervistimit, i dyshuari në prani të avokatit ka pranuar se ka kryer veprën penale. Ai është ndaluar për 48 orë në bazë të procedurave të rregullta”.
Viktima aktualisht është duke pranuar tretmanin mjekësor në Spitalin Rajonal të Prizrenit dhe është jashtë rrezikut për jetë.