11.8 C
Prizren
E premte, 29 Mars, 2024

Një teatër rus do ta vazhdojë punën, por do ta lejojë vetëm nga një spektator

Teatri i famshëm i operës dhe baletit “Perm” në rajonin e Uralit në Rusi është duke planifikuar t’i vazhdojë shfaqjet, pavarësisht masave të marra kundër përhapjes së koronavirusit. Megjithatë, kjo do të bëhet me një kusht të veçantë: Në shfaqje do të lejohet vetëm një spektator.

Në njoftimin e zyrtarëve të këtij teatri thuhet se ky vendim ka ardhur si pasojë e gjendjes së krijuar nga koronavirusi dhe se masa e re do të fillojë të zbatohet nga fundi i këtij muaji.

“Duke nisur nga fundi i marsit, vetëm një spektator do të mund ta shikojë një shfaqje. Artistët dhe muzikantët do të luajnë vetëm për të”, thuhet në njoftim.

Teatri gjithashtu tha se së shpejti do të fillojë t’i pranojë aplikimet nga ata që duan ta shfyrtëzojnë këtë mundësi të veçantë për të qenë spektatori i vetëm në sallë, shkruan “Free Europe”, transmeton Gazeta Express.

Spektatori fatlum do të caktohet përmes një shorti, por edhe do të kontrollohet nga një mjek para se të futet në sallë.

Ndryshe, në Rusi deri më tani janë konfirmuar 253 raste të koronavirusit dhe një vdekje. Qeveritë në mbarë botën kanë marrë masa të ashpra kundër përhapjes së virusit të ri, përfshirë mbylljen e qendrave kulturore dhe ndërprerjen e garave sportive.

Më Shumë

Lajmet e Fundit