Më shumë se një mijë ish-studentë kosovarë kanë marrë diploma nga institucionet e arsimit të lartë privat në Shqipëri, kryesisht në universitetin “Kristal”, por ato prej vitesh nuk janë nostrifikuar në Kosovë.
MASHT-i dhe Agjencia e Akreditimit kanë kontestuar marrjen e tyre. E tani ato krejt këtë proces ia kanë lënë në dorë një mekanizmi të huaj vlerësues, të angazhuar nga Shqipëria, shkruan Koha Ditore.
MASHT-i pritet që kah fundi i qershorit të marrë vendim përfundimtar për njohjen, ose jo, të tyre dhe këtë do ta bëjë varësisht nga rezultatet që do të dalin nga një vlerësim që po u bëhet këtyre institucioneve nga një mekanizëm ndërkombëtar i akreditimit