Në festivalin e filmit dokumentar, që u mbajt në Sarajevë prej 13-18 nëntor, është shfaqur filmi i shkurtër dokumentar “Kapllani”, regjinë e të cilit e ka bërë Kenan Pallusha, nxënës i gjimnazit “Loyola” në Prizren.
Personazhe të filmit janë një çift i moshuar shqiptar, të cilët jetojnë të vetmuar në një fshat,të braktisur nga banorët gjatë luftës së fundit në Kosovë.
Ndërkohë, ata vazhdojnë të jetojnë aty në kushte të vështira jetësore, me kujtimet e hidhura të së kaluarës, por të vendosur për të mos u dorëzuar para sfidave të jetës.
Personazhet rrëfejnë për luftën dhe jetën e tyre. Filmi është realizuar vitin e kaluar në kuadër të një projekti të “Dokufest”it për regjisorë të rinj, ku pjesëmarrëse ishte edhe Donjeta Meta, nxënëse e kësaj shkolle./PrizrenPress.com/