Subjektet opozitare në Kuvendin Komunal të Prizrenit, kanë dorëzuar nënshkrimet e nevojshme për thirrjen e një seance të jashtëzakonshme të organit më të lartë vendimmarrës lokal, për të diskutuar rreth rastit tragjik në rrugën “Marin Barleti”, ku si pasojë e shembjes së një pjese të kulmit dhe murit, humbi jetën një 3-vjeçare.
Artan Abrashi nga Lëvizja “Vetëvendosje” ka konfirmuar se dje këshilltarët opozitarë kanë dorëzuar mbledhjen e nënshkrimeve për seancë të jashtëzakonshme.
“Janë mbledhur dhe dorëzuar nënshkrimet e nevojshme pëe seancë të jashtëzakonshme. Tash pritet që të caktohet data e mbajtjes së saj”, ka konfirmuar Abrashi për PrizrenPress.
Një mur i një shtëpie të vjetër është rrënuar dhe ka lënë të vdekur një vajzë 3-vjeçare. Nëna e viktimës, Lirije Gashi ka akuzuar Komunën e Prizrenit për humbjen e jetës së vajzës së saj./PrizrenPress.com/