Deputetja e LDK-së, Vjosa Osmani, tha se protestat janë e drejtë legjitime, por se “ato nuk duhet të jenë të dhunshme”.
Në një intervistë për “Zona B” të Klan Kosovës, Osmani tha se me shkarkimin e Aleksandër Jabllanoviqit, Qeveria do të tregonte se është për të luftuar nxitjen e urrejtjes në vend dhe se nuk lejon ndikimin e drejtpërdrejt të Beogradit në Kosovë.
“Nëse do të shkarkohej, efekti para qytetarëve të Kosovës do të ishte shumë më pozitiv, sepse do të ngritej besimi në institucionet e Kosovës dhe e dyta do t’i tregohej edhe Listës Serbe se përkundër mospajtimeve që mund të kemi, ata janë të obliguar t’i nënshtrohen një Kushtetute dhe një serë ligjesh që aplikohen në Republikën e Kosovës”, tha Osmani.