17.8 C
Prizren
E premte, 24 Maj, 2024

OVL e UÇK-së: Do ta bllokojmë Parlamentin për ta kundërshtuar Ligjin e pagës minimale

Presidentja e Kosovës Vjosa Osmani, i ka pritur në takim krerët e organizatave të dala nga lufta e Ushtrisë Çlirimtare e Kosovës, për të diskutuar lidhur me Ligjin e pagës mininale ku kjo kategori janë hequr nga ligji.

Kryetari i OVL UÇK-së Faton Klinaku, tha se qeveria po krijon përçarje.

“Godit UÇK-në dhe ndoshta përfito vota”, tha Klinaku para mediave pas takimit me presidenten.

Derisa kryetari i Shoqatës së Familjeve të Dëshmorëve të UÇK-së Xhavit Jashari, tha se do të protestojnë për ta kundërshtuar këtë ligj.

“Qëndrimi i përbashkët i tri organizatave të dala nga lufta është që të mbajmë protesta dhe ta bllokojmë punën e Parlamentit”, tha Jashari.

Ai tha se i bënë thirrje presidentes që mos ta nënshkruajë këtë ligj i cili është diskriminues.

“Ne i thamë presidentes se nëse e dekreton një ligj të tillë i cili diskriminon, do t’ia vë vetës një njollë të keqe|, tha ai.

Ndryshe, të shtunën në sheshin “Skënderbeu” në Prishtinë, është mbajtur një protestë në mbështetje të veteranëve të luftës dhe po ashtu në kundërshtim të përgjimeve që janë publikuar, ku shefja e Grupit Parlamentar të Vetëvendosjes, Mimoza Kusari-Lila, dëgjohet duke folur me përfaqësuesit e Listës Serbe, Igor dhe Sllavko Simiq.

Aty përmendet edhe Milan Radojçiq, i cili është sanksionuar nga Shtetet e Bashkuara të Amerikës.

Më Shumë

A do të luajë Mbappe në finalen e Kupës? Përgjigjet Enrique

Paris Saint-Germain mbylli me sukses Ligue 1. Skuadra nga kryeqyteti francez mbeti e pamposhtur jashtë shtëpisë në ndeshjet e ligës dhe tani po përgatitet...

Moti sot: Shi, vranësira dhe diell

Për të dielën parashikohet fillimisht gjatë orëve të para të 24-orëshit të ketë rrebeshe lokale shiu, të shoqëruara me disa shkarkesa rrufesh, ndërsa dita...

Lajmet e Fundit