Që nga muaji mars në Prevallën dikur shumë të frekuentuar, mungojnë vizitorët, duke bërë që restorantet ta pakësojnë numrin e punëtorëve.
Ndërsa qytetarët thonë se duhet të punohet më shumë në edukimin e popullatës për masat kundër Covid, ndërsa të merren shembull vendet e tjera në organizimin e punës në fushën e turizmit.
Prevalla në stinën e verës ishte destinacioni kryesorë i shumë qytetarëve nga qytete të ndryshme të Kosovës dhe vendeve të rajonit. Por kjo periudhë në të cilën po kalon vendi, ka bërë që numri i vizitorëve të bie në më shumë se 80%, duke vënë në pikpyetje mbijetesën e rreth 10 objekteve hotekiere në këtë vend, raporton RTK.
Në Prevallë shumica e qytetarëve që e vizitojnë këtë vend kanë problem shëndetësore. Kufizimi I orarit dhe moslejimi I personave në ambjentet e brendshe na e ka vështirësuar shumë punën thonë përfaqësuersit e hotelerisë.
E ata që e vizitojnë më shpesh këtë vend, kërkojnë që organet kopetente të merren më shumë me edukimin e popullatës me masat e pandemisë.
Si të gjithë sektorët e ekonomisë edhe hoteleria kërkon nga ligjvënësit të kalojnë në kuvend pakon emergjente , pasi ata mëndojnë se do të arrijnë që të mbijetojnë me bizneset e tyre.