Me anë të një urdhërese, komuna e Suharekës ka lejuar qasjen e të gjitha veturave private që janë me tabela të huaja brenda oborrit të komunës.
Kjo urdhëresë vlen që nga 16 korriku deri më 15 gusht. Për t’i bërë vendin në parkingun e komunës, mërgimtarëve, komuna ka urdhëruar që punëtorët e administratës së mos parkohen në të njëjtin vend.
“Punëtorëve të administratës së Komunës ju ndalohet hyrja me automjete në oborrin e komunës për këtë periudhë të cekur më lartë”, thuhet në urdhëresë.
Sipas vendimit të komunës, mos respektimi i kësaj urdhërese administrative do të konsiderohet si shkelje e kodit të mirësjelljes së punës dhe do të merren masa konform ligjeve dhe akteve nënligjore të aplikueshme të Kosovës.
