Parlamenti Studentor i Universitetit “Ukshin Hoti” në Prizren është duke i përcjell me shqetësim zhvillimet rreth zgjedhjes së rektorit të ri të Universitetit tonë.
“Ne konsiderojmë se nuk ka arsye që çështja e zgjedhjes së rektorit të neglizhohet edhe më tutje andaj, i kërkojmë Këshillit Drejtues të Universitetit që sa më parë të precedojë më tutje me procedurat e zgjedhjes së Rektorit”, thuhet në komunikatën e Parlamentit të Studentëve.
“Rektori i ri i Universitetit duhet të jetë një kuadër që ka përgatitjen adekuate akademike, përvojën e duhur menaxheriale ne arsimin e lartë dhe gatishmërinë për të kontribuuar që të zhvilloj Universitetin tonë. Zgjedhja e rektorit duhet të bëhet komfor Ligjit për Arsimin e Lartë, Statutit të Universitetit te Upz-së, konkursin e Këshillit Drejtues dhe mbi bazën e meritës së kandidatëve”.
“Ne gjithashtu konsiderojmë se nuk ka arsye që të anulohet konkursi, dhe mendojmë se një gjë e tillë do ta dëmtojë seriozisht Universitetin tonë duke marrë parasysh që ka kandidatë të pranueshëm që i plotësojnë kushtet me konkurs”.
“Zvarritjet në konstituivin e menaxhmentit të ri po i kushtojnë Universitetit tonë, andaj kërkojmë nga Këshilli Drejtues që ta merr seriozisht kërkesën e Parlamentit Studentor dhe njëkohësisht u bëjmë me dije se jemi duke i shqyrtuar mundësitë e reagimeve në forma të tjera me qëllim që të kontribuojmë në këtë proces në të mirë të Universitetit”/PrizrenPress.com/