Ndërsa politika kosovare është në garë për zgjedhjet parlamentare dhe ka nisur fushata elektorale, nuk mbetet pas dhe Partia e Fortë me humorin që e karakterizon. Partia e Fortë ka sajuar sloganin e saj zgjedhor, me të cilin pretendon të garojë më 8 qershor.
“Tash p’e nisim: Për transparencë të plotë – vizioni i ri” është parulla të cilën PF-ja e ka përgatitur të jetë motoja e tyre zgjedhore, bazuar në një foto në të cilën kryetari legjendar sic e quan veten ai, Visar Arifaj, pozon nudo. Me një libër poshtë mesit me titullin “Vizioni ri” dhe më nje bistak rrush në duar, Visari merr një pozë si perandorët e lashtë romakë.
Duket se ky është posteri me të cilën kjo parti duket se e ka vendosur ta postojë në materialin propagandistik zgjedhor. Mbase dhe në muret e qyteteve kosovare.