Dega e Partisë Demokratike të Kosovë në Malishevë, e udhëhequr nga kryetari dhe kandidati për kryetar të Malishevës, Isni Kilaj, ka mbajtur sot një takim pune, me kryesinë e degës, Këshillin Drejtues, kryetarët e nëndegëve dhe kandidatët për Asamblenë Komunale, ku është zgjedhur edhe Shtabi Zgjedhor, i cili kryesohet nga Skënder Hoti kryetar i shtabit dhe Naser Krasniqi, nënkryetar (të dy anëtar të Kryesisë së Degës). Përveç Shtabit zgjedhor, u bë edhe zgjedhja e trupave tjera përcjellëse, që janë të mobilizuar në zgjedhje.
“Atmosfera është jashtëzakonisht e mirë dhe elektorati i PDK-së është shumë stabil, që po vazhdon të rritet në numër, çdo ditë e më shumë. Jemi shumë mirë dhe kërkoj që fushata dhe dita e zgjedhjeve, të jetë e mirë dhe e qetë, por duhet të punojmë që pjesëmarrja në zgjedhje të jetë sa më masive”, tha Kilaj.
Kilaj bëri të ditur, se shtabet janë formuar edhe nëpër nëndegë të PDK-së, në fshatra dhe përveç kësaj janë caktuar edhe 1 500 aktivistë, të cilët do punojnë gjatë fushatës zgjedhore./PrizrenPress.com/