Lidhja Demokratike e Kosovës ka lidhur koalicion qeverisës me Partinë Demokratike të Kosovës në Rahovec. Vendimi është marrë pas një mbledhjeje të kryesisë së degës së LDK-së atje, e cila ka zgjatur më shumë se tri orë.
Kryetari i degës së LDK-së në Rahovec, Nahit Elshani, se LDK-ja do t’i ketë tri drejtori, atë për Kulturë, Rini dhe Sport, që do të udhëhiqet nga Osman Hasku, të Gjeodezisë dhe Kadastrës, drejtor i së cilës do të jetë Kujtim Popaj dhe atë të Zhvillimit Ekonomik, drejtor i së cilës është caktuar Esat Hoti, raporton KTV.
Për koalicion kanë votuar 14 anëtarë të kryesisë, ndërkaq në shenjë pakënaqësie mbledhjen e ka braktisur njëri ndër themeluesit e degës së LDK-së në Rahovec, Fetah Berisha. Kryesues i Kuvendit Komunal do të jetë kryetari i degës së LDK-së, Nahit Elshani.