22.8 C
Prizren
E shtunë, 15 Qershor, 2024

PDK-LDK e vlersësojnë pozitivisht procesin zgjedhor

PDK-LDK-logo14

Partia Demokratike e Kosovës thotë se është në kontakt të vazhdueshëm me shtabet e saj nëpër të gjitha komunat e Kosovës dhe deri më tash, përpos disa problemeve teknike sporadike dhe të izoluara, si mungesa e sprejt dhe vonesat në hapjen e vendvotimeve, nuk është raportuar ndonjë rast që zbeh mbarëvajtjen e procesit zgjedhor.

Përfaqësuesit e PDK-së në terren njoftojnë se zgjedhjet janë duke u zhvilluar në një klimë të qetë anembanë vendit dhe komisionerët janë duke bërë një punë shumë profesionale gjatë procesit zgjedhor, thuhet nëkumtesën e PDK-së.

 

Partia Demokratike e Kosovës, inkurajon të gjithë aktorët që garojnë në këto zgjedhje që të vijojnë me frymën e mirëkuptimit dhe qytetarisë, si dhe u kërkon të gjithë individëve që janë të përfshirë në administrimin e procesit zgjedhor që të punojnë me përkushtim dhe rigorozitet, që votimi të realizohet konform ligjit.

 

Partia Demokratike e Kosovës shpreh bindjen se Kosova ka arritur tashmë në një fazë pjekurie për sa i përket demokratizimit dhe cilësia e këtyre zgjedhjeve ka për të qenë një dëshmi e këtij fakti, thuhet në kumtesën e PDK-së.

Edhe Shtabi Zgjedhor i Lidhjes Demokratike të Kosovës (LDK) e vlerëson si të rregullt procesin zgjedhor deri në mesditë dhe e çmon përqindjen e lartë të pjesëmarrjes së qytetarëve në zgjedhje.

“LDK-ja u bën thirrje të gjithë qytetarëve të Kosovës që ta shfrytëzojnë të drejtën e tyre kushtetuese për të votuar. Pjesëmarrja sa më e lartë e qytetarëve në zgjedhje e begaton këtë proces zgjedhor, i cili është jetik për të ardhmen e vendit dhe për perspektivën evropiane”, thuhet në deklaratën e Agim Veliut, shefi i shtabit zgjedhor të LDK-së .

“Ne i japim përkrahje të parezervë Komisionit Qendror të Zgjedhjeve, vëzhguesve vendorë dhe ndërkombëtarë për mbarëvajtjen e gjithë procesit zgjedhor.
LDK-ja u jep përkrahje edhe të gjitha institucioneve të tjera shtetërore që po e ndihmojnë procesin dhe ju bën thirrje atyre që të respektojnë të gjitha ligjet dhe rregullat zgjedhore, në mënyrë që zëri i sovranit të shkojë në vendin e vet”, ka thënë Veliu.

“Deri në mesditë ne nuk kemi të raportuar ndonjë incident që do të prishte imazhin e mirë të zgjedhjeve. LDK-ja do t’ju mbajë të informuar gjatë gjithë procesit zgjedhor”, ka thënë Veliu.

Më Shumë

Luizi poston një foto më të bijën në krah, i bën dedikim të veçantë

Fituesi i Big Brother Vip Albani, Luiz Ejlli, ka postuar një foto të ëmbël më të bijën në krah. Ai përkrah fotos shkroi, “Nëse vetëm...

Përurohet Shërbimi i Kardiologjisë Intervente në Prizren

Në Spitalin Rajonal të Prizrenit është bërë përurimi i repartit të Shërbimit të Kardiologjisë Intervente, projekt ky i Qeverisë së Kosovës dhe i mbështetur...

Lajmet e Fundit