(E plotësuar)Ka përfunduar mbledhja e Kryesisë së PDK-së në Prizren. Në këtë mbledhje është diskutuar për situatën e krijuar pas dënimit 2 vjet me kusht të kryetarit të Prizrenit, Ramadan Muja.
Burimet e PrizrenPress-it bëjnë të ditur se në këtë mbledhje nuk është shqyrtuar mundësia e dorëheqjes së Ramadan Mujës nga posti i kryetarit të Prizrenit. “Anëtarët e Kryesisë janë pajtuar që të mbështesin Mujën”, tregon burimi i “PrizrenPress”-it.
Ramadan Muja për dallim nga herave tjera , nuk ka qenë prezent në këtë mbledhje.
Mblidhet PDK-ja në Prizren
Kryesia e Partisë Demokratike të Kosovës(PDK) në Prizren, do të mblidhet sonte në ora 18:00. Burimet e “PrizrenPress”-it bëjnë të ditur se në këtë takim do të diskutohet për situatën e krijuar pas dënimit të kryetarit të Prizrenit, Ramadan Muja.
Kryetari Muja ka pezulluar postin e kryetarit të Prizrenit, deri në në vendimin e Gjykatës së Apelit. Mirëpo, sipas burimeve brenda PDK-së, në këtë mbledhje do të diskutohet edhe vendimi i Mujës, që ka marrë për të pezulluar postin e kryetarit të Prizrenit./PrizrenPress.com/