12.1 C
Prizren
E enjte, 18 Shtator, 2025

Pele lirohet nga spitali pas tri ditësh qëndrimi

Legjenda braziliane, Pele, ka marrë një lajm të mirë mbrëmjen e së enjtes, pasi 81-vjeçari u lirua nga spitali ‘Israelita Albert Einstein’ pasi kaloi tre ditë atje për analizat në lidhje me trajtimin e tij të kancerit. Sipas mjekëve, ai është në gjendje të mirë dhe stabile.

Shtatorin e kaluar, teksa po shkonte për një sërë ekzaminimesh rutinë që ishin shtyrë për 15 muaj për shkak të pandemisë së coronavirusit, mjekët zbuluan se Pele kishte kancer në zorrën e trashë, për të cilin tashmë një herë i është nënshtruar një operacioni.

Që atëherë, ai i është nënshtruar një trajtimi që përfshinte seanca kimioterapie. Ka pasur teste mujore për të kontrolluar efektivitetin e të gjithë trajtimit kundër tumorit.

Vitet e fundit, shëndeti i Peles ishte përkeqësuar edhe për shkaqe të tjera, si problemet e shtyllës kurrizore, ijeve dhe gjurit, të cilat ia pakësuan lëvizshmërinë dhe e detyruan t’i nënshtrohej operacioneve të tjera.

Ai është futur edhe në spital në të kaluarën për disa probleme me veshkat.

Ndërsa ai vazhdon të luftojë kancerin, ai do të kthehet rregullisht në spital. Por, të paktën tani për tani, ai mund të kthehet në shtëpi pas kësaj vizite rutinë. /Telegrafi/

Më Shumë

Dogana e Kosovës zbulon mall me origjinë të pasaktë në Vërmicë, nis procedura kundërvajtëse

Dogana e Kosovës ka identifikuar një rast të mosdeklarimit të saktë të origjinës së mallrave gjatë procedurave të importit në pikën doganore të Vërmicës. Gjatë...

20-shi i LDK-së, Dr. Fejzë Kabashi, prezanton planin për shëndetësi në rajonin e Hasit: Shërbime të përditshme për çdo lokalitet

Kandidati i Lidhjes Demokratike të Kosovës (LDK) për Kuvendin Komunal të Prizrenit, Dr. Fejzë Kabashi, ka publikuar një plan e tij të detajuar për...

Lajmet e Fundit