Një fëmijë i moshës 6 vjeçare, ka humbur jetën sot si pasojë e përplasjes nga makina në Shëngjin.
Aksidenti ka ndodhur në mëngjesin e sotëm në qendër të Shëngjinit, ku një tip furgon përplasi fëmijën që po kalonte nga njëra anë e rrugës në tjetrën.
Raportohet se fëmija ka qenë i shoqëruar me prindërit dhe në momentin që po kalonin rrugën është shkëputur nga duart.
Fëmija nga plagët e marra ishte në gjendje të rëndë dhe nuk ka mundur të mbijetojë, ai ndërroi jetë në spital.
Abcnews raporton se i mituri nga Burreli kishte ardhur nga Anglia me familje në Shqipëri.
Policia bënë të ditur se i dyshuari është dërguar në stacion si dhe kanë nisur hetimet për zbardhjen e rastit.