Është përuruar restaurimi i Muzeut Arkeologjik në Prizren.
Drejtori i QRTK-së në Prizren, Samir Hoxha, tha se përmes implementimit të këtij projekti është mundësuar qasja institucionale që duhet të kemi karshi trashëgimisë së pasur kulturo – historike që ka rajoni i Prizrenit.
Arkitektja, Ilirjana Mejzini, e cila ka qenë drejtoreshë e projektit të restaurimit tha se “ky projekt ka qenë tejet voluminoz”.
“Është realizuar përmes një studimi të planifikuar i cili ka rezultuar me zhvillimin e punimeve cilësore për të bërë një objekt të këtij lloji edhe atraksion turistik”.
Sekretari i Përgjithshëm i MKRS-së, Veton Firzi dhe kryesuesi i Kuvendit të Prizrenit,Kujtim Gashi thanë në këtë solemnitet se fal bashkëpunimit të shumë institucioneve po përurohet një ndër objektet që është në listën e prioriteteve të ministrisë së kulturës por edhe komunës së Prizrenit. /TV Prizreni/