Pushtetet lokale të 5 komunave të rajonit të Prizrenit, gjatë vitit të kaluar, në tetë raste nuk i kanë rishqyrtuar aktet e kundërligjshme komunale, ani pse për këtë ishin njoftuar nga niveli qendror, shkruan sot “Koha Ditore”.
Ministria e Administrimit të Pushtetit Lokal ka raportuar se në kuadër të mandatit të vet gjatë periudhës janar-dhjetor 2017 ka shqyrtuar ligjshmërinë e akteve komunale, njësoj sikurse që i ka përcjellë për vlerësim edhe te ministritë e linjës, me ç’rast edhe janë evidentuar shkeljet.
Por jo të gjitha kërkesat e nivelit qendror për harmonizim të akteve komunale janë zbatuar nga niveli lokal.
Në bazë të të dhënave të publikuara në raportin e punës së MAPL-it për vitin 2017, del se Komuna e Dragashit nuk i ka harmonizuar dy akte komunale me legjislacionin në fuqi sipas kërkesës së kësaj ministrie, derisa komunat tjera të rajonit të Prizrenit, të cilat nuk i kanë rishqyrtuar aktet e kundërligjshme pas vlerësimeve të ministrive të linjës janë: Suhareka me dy akte komunale, Rahoveci me një akt, sa ka edhe Prizreni dhe Malisheva me dy sosh…