Xhevahir Koçinaj dhe Patrik Berisha nga Prizreni, janë dënuar me burg për vjedhje dhe sulm në tentativë. Ndërkaq, Dardan Çollaku është dënuar vetëm me gjobë në vlerë prej 300 euosh.
Zëdhënësja e Gjykatës Themelore Prizrenit,Afërdita Kicaj tha se të akuzuarit janë dënuar për vjedhje, sulm në tentativë dhe kanosje.
“Gjykata ka shpallur fajtor dhe dënuar me 5 vjet burg dhe 1 000 euro gjobë Xhevahir Koçinajn.Ai është dënuar për vepren penale sulm në tentativë dhe vjedhje”, tha Kicaj.
“Për të akuzuarin Patrik Berishai cili ka qenë i ngarkuar për dy vepra penale atë për sulm dhe kanosje, Gjykata ka marrë vendim që të dënojë me 3 muaj burg dhe 500 euro gjobë”.
“ I akuzuari i tretë Dardan Çollaku është dënuar për veprën penale të kanosjes me gjobë në shumën prej 300 eurosh”/PrizrenPress.com/