Kitaristi i njohur shqiptar Petrit Cheku do të performojë sonte në kishën katolike “Shën Ndou” në Prishtinë.
Ai do të performojë në kuadër të festivalit ndërkombëtar të Prishtinës “ReMusica”, që të dielën organizon mbrëmjen e shtatë të edicionit të 14-të të këtij festivali, transmeton koha.net. Koncerti nis në orën 20:00.
Cheku është fitues i nëntë çmimeve të para në konkurse ndërkombëtare të kitarës, së fundi në konkursin Christopher Parkening në Malibu të Kalifornisë, SHBA (2012), Schadt në Allentoën, SHBA (2011) dhe Maurizio Biasini në Bologna, Itali (2011). Ai është gjithashtu edhe fitues i konkursit prestigjioz Michele Pittaluga në Alessandria, Itali (2007).
Hyrja është e lirë.