Në vigjilje të sfidës së Kupës së Italisë kundër Genoas, Andrea Pirlo ka sqaruar gjërat që kanë ndryshuar te Juventusi i tij në sfidat e fundit.
Humbja ndaj Firontinës, ka qenë pika e kthesës sipas strategut të torinezëve.
“Kemi treguar forcë në fushë, mbi të gjitha mentale. Duhet të riniseshim pas Fiorentinës, i kemi të qarta objektivat dhe nga ajo ndeshje nisëm të mendojmë vetëm për vete dhe për të bërë mirë në ndeshje.
Kupa e Italisë është një kompeticion që në fillim duket si nuk të intereson, por dalë nga dalë shkon drejt fundit. Duam të fitojmë dhe të vijojmë rrugëtimin tonë në këtë kompeticion.
Do të luajë Chiellini, që po stërvitet prej kohësh, si dhe Buffon nga minuta e parë. Për të tjerët do të shohim”, deklaroi strategu italian, teksa në këtë ndeshje do të ketë shumë mungesa, duke filluar nga Cuadrado, Alex Sandro De Ligt, e deri te Chiesa, McKennie dhe Dybala që u dëmtuan ndaj Sassuolo.
