36.8 C
Prizren
E premte, 19 Gusht, 2022

Pogba për Dybalan: I thash të qëndrojë te Juve – më tha që ishte shumë vonë tani

Paul Pogba ka folur për ndryshmet që ka hasur te Juventusi, ndërsa ka komentuar edhe Paulo Dybalan, të cilin e kishte lutur të qëndronte.

Mesfushori u rikthye në atë që ai e quajti ‘shtëpi’, në Torino pas një periudhe gjashtëvjeçare te Manchester United.

“Jam shumë i lumtur që jam kthyer këtu, të gjithë më bënë të ndihem si në shtëpinë time”, ka thënë Pogba për DAZN Italia.

 

Disa gjëra nuk kanë ndryshuar, sepse si periudha e tij e parë me bardhezinjtë, Max Allegri është sërish në stol.

“Trajneri është ende i njëjtë. Nuk jam më 22 vjeç, por kur ke familje dhe përgjegjësi, mëson shumë në jetë. Kam ndryshuar edhe fizikisht, jam shumë më muskuloz”, deklaroi ai.

Ai kishte shpresuar të ribashkohej me mikun e tij të mirë Dybalan, veçanërisht pasi ata kaluan verën së bashku, por Juventus tashmë kishte vendosur të mos e vazhdonte kontratën me La Joya.

“Kam folur shumë me Paulon, e pyeta të qëndronte dhe të luajmë së bashku edhe për pak kohë, por ai tha se ishte tepër vonë dhe duhet ta kisha thirrur më herët…”.

 

“Ne gjithmonë bëjmë shaka. Shpresoj që ai të jetë i lumtur dhe të ketë besim se mori vendimin e duhur duke shkuar te Roma”, deklaroi Pogba.

Pogba në fund kishte komente pozitive edhe për Dusan Vlahovicin, Federico Chiesa, Angel di Marian dhe Manuel Locatellin. /Telegrafi/

Më Shumë

24 vjet nga rënia e dëshmorit Remzi Ademaj

Sot bëhen 24 vjet nga rënia heroike e dëshmorit të kombit Remzi Ademaj – Petrit Kodra. Remzi Ademaj ishte komandanti i parë i UÇK-së për...

Begaj të hënën në Kosovë, destinacioni i parë jashtë Shqipërisë si president

Presidenti i Shqipërisë, Bajram Begaj do qëndrojë për vizitë zyrtare në Kosovë, me rastin e fillimit të mandatit të tij. Begaj vjen të hënën në...

Lajmet e Fundit