Një person nga fshati Radost i Rahovecit, ka përfunduar në pranga të policisë, pas kërcënimit dhe shantazhit, që ka bërë ndaj një vajze në rrjetin social ‘Facebook’.
Zëdhënësi i PK-së në Prizren, Hazir Berisha tha se i dyshuari është paraqitur tek viktima si pjesëtar i Policisë së Kosovës.
“Viktima M.K. nga fshati Rogovë, ka deklaruar se para disa muajve ishte njoftuar në ‘Facebook’ me një peson i qujatur B.K.nga Radosta e Rahovecit”.
“Personi në fjalë është prezantuar si zyrtar i Policisë së Kosovës nga Prizreni”
Zëdhënësi Berisha tha se i dyshuari nga viktima ka kërkuar të holla.
“Ajo ka deklaruar se është duke u kërcënuar nëpërmjet ‘Facebook-ut” dhe telefonit nga një person që është paraqitur si pjesëtar i Policisë së Kosovës”.
“Viktima ka deklaruar sot rreth orës 10:00-11:00 se do të takohet me personin në fjalë për t’ia dorëzuar një shumë të hollave të kërkuara nga ana e tij. Policia pasi që kishte informatat në lidhje me këtë rast, ka përgatit një plan operativ ku pas veprimeve personi në fjalë është zënë në flagrancë”.
Sipas tij, i dyshuari është në paraburgim. Policia në Prizren, ka bërë apel të të gjithë qytetarët që nëse kanë ndonjë rast të ngjajshëm me rastin e personit që e ka kërcënuar femrën, t’i lajmërojnë rastet. /PrizrenPress.com/