Policia e Kosovës, me qëllim parandalimin e aksidenteve në komunikacionin rrugor, ka apeluar tek të gjithë vozitësit që të kenë kujdes gjatë sezonit veror.
Përmes një komunikate për media, policia ka theksuar se me qëllim të ngritjes së nivelit të sigurisë dhe parandalimit të aksidenteve të trafikut, Policia e Kosovës në disa akse rrugore gjatë sezonit veror do të ushtrojë kontrolle të vazhdueshme për respektimin e normave ligjore që kërkohen me ligj, duke përfshirë shpejtësinë e lejuar dhe përshtatjen e ngasjes së automjeteve me kushtet rrugës dhe shenjat e komunikacionit rrugor.
“Policia e Kosovës me qëllim parandalimin e aksidenteve në komunikacionin rrugor apelon tek të gjithë ngasësit e automjeteve që të respektojnë dispozitat ligjore të lëmit të komunikacionit, të respektojnë shenjat e trafikut, t’iu përshtaten shpejtësisë së lejuar me shenjat e trafikut, pasi që këto norma janë vendosur për mbrojtjen e jetës së tyre dhe pjesëmarrësve tjerë në komunikacion, në të kundërtën do të merren masa ndëshkuese ndaj gjithë shkelësve të ligjit”, thuhet në komunikatën e PK-së