Kërcënimi i një të ri kosovar, i cili lufton për krah ISIS-it është bërë shumë humor, por në humor të mirë sa i përket kërcënimeve nga Shteti Islamik nuk janë institucionet e Kosovës.
Drejtoria e Përgjithshme e Policisë së Kosovës ka lëshuar një njoftim zyrtar për të gjitha Stacionet e Policisë së Kosovës përfshirë pikat kufitare.
Në njoftimin thuhet se pjesëtarët e policisë së Kosovës, përveç se duhet të jenë të pajisur gjatë orarit të punës me jelek antiplumb, duhet të kenë kujdes dhe të shtojnë patrullimet e tyre në vendet si: Kuvendi i Kosovës, Qeveria, ambasadat e huaja në Kosovë, aeroporti, objektet fetare si xhamit, kishat dhe Katedrala dhe vendet e frekuentuara si dhe nëpër restorantet e njohura në vend, raporton TV Dukagjini.
Përkundër përpjekjeve, askush nga zyrtarët e Policisë apo Qeverisë nuk ka dashur të flas për këtë alarm.
Burime të televizionit kanë bërë të ditur se për kërcënimet janë të njoftuar presidenca, Qeveria e Kosovës dhe autoritetet vendëse e ndërkombëtare të sigurisë.