Shkruan: Seremb Gjergji
Thirrja e një seance të re nga VLAN-i për të enjten 9 tetor nuk e ndihmon procesin, por e rritë ngërçin politik dhe e rritë dallimin ndërmjet palëve. Tash kemi nevojë për afrim, jo largim.
Presidentja tash duhet t’i thërras të gjitha Partitë Politike e të takohen bashkë – jo ndarazi. Madje, t’i thërras të gjithë përfaqësuesit e partive shqiptare në Kuvendin e Kosovës, disa herë radhazi dhe vetëm pas 4-5 herësh, do të dalë një zgjidhje. Nuk besoj se do të kemi zgjidhje, pa u takuar të gjithë sëbashku. Lufta politike ka filluar, tash duhet të mbizotëroi paq dhe pajtimi.
Hapi i parë drejtë zbutjes së qëndrimeve nga të gjitha palët e që do t’i hapë rrugën drejt një bisede në tavolinën e përbashkët është deklarimi i z. Haradinaj si kandidati potencial për Kryeministër, por edhe të gjithë udhëheqësve të tjerë që Shërbyesit Civil do të kursehen dhe profesionistet nuk duhet të kenë frikë se do të largohen nga puna që kryejnë me dinjitet. Sa më shpejtë që vjen kjo deklarate, aq më e afërt është bashkë-bisedimi.
Mungesa e institucioneve të reja të Kosovës, në fushën diplomatike dhe ndërkombëtare po sjelle një numër faktorësh të rrezikshëm për popullin dhe vendin.
Pasojat që Kosova aktualisht i ka nga mos-formimi i institucioneve janë:
1. Mos-nënshkrimi i marrëveshjes së Asocim-Stabilizimit me BE-në dhe vonesat në këtë Drejtim. Pesë vendët e BE-së që nuk e kanë njohur Kosovën,nuk gjejnë arsye të fortë për ta nëshkruar këtë marrëveshje.
2. Zhagitja, ngadalësimi por edhe stagnimi në Liberalizimin e Vizave – mungesa e institucioneve të sigurisë.
3. Zbehja e raporteve me Aleatet dhe Miqtë tanë ndërkombëtarë. U japim pak arsye miqve tanë që të na arsyetojnë apo mbrojnë çdo veprim të Shtetit tonë.
4. Pengesat që dalin drejtë anëtarësimit në NATO dhe OKB – nuk mund të zhvillojmë asnjë projekt afatgjatë dhe të qëndrueshëm.
Të gjitha këto vijnë si pasojë e interesit të ngushtë të disa udhëheqësve tanë politik. Zgjidhja e ngërçit është e thjeshtë – në momentin kur ulen në tavolinë, gjejnë zgjidhje. Nëse kjo nuk ndodhë – atëherë partitë tona me qëllim po e qojnë vendin drejt IZOLIMIT.
Veprimi i së enjtes i VLAN-it është demokratik dhe si Deputet të Kuvendit të Kosovës kanë të drejtë të shkojnë në shtëpinë e tyre. Veprimi i tyre ishte shprehje e mllefit të tyre, ku në sytë e qytetarëve të Kosovës të fajësojnë palën tjetër. Për mendimin tim kjo nuk është zgjidhje. Këtë e tha edhe z. Fatmir Limaj “Do ta zgjidhim këtë situatë, sipas ligjit dhe rendit kushtetues”. Pra askush nuk ka qëllim të bëjë revolucion; që do të ishte një aventurë pa zgjidhje.
Por, besoj se çdo veprim duhet te sjelle fryme pozitive – jo të thelloi ngërçin politik.
Shtroj pyetjen – a e meritojmë NE këtë gjendje?