16.8 C
Prizren
E enjte, 28 Mars, 2024

Politikani panamez poston një video ku kërkon ndihmë, pasi helikopteri në të cilin gjendej edhe ai rrëzohet në xhungël

Një kandidat presidencial në Panama ka postuar një lutje dramatike për ndihmë në mediat sociale pasi helikopteri i tij u rrëzua në xhunglën e vendit.

Sipas mediave të huaja, përcjell Telegrafi, Dimitri Flores, një kandidat i pavarur që kërkon të kandidojë në zgjedhjet e vitit 2024, postoi pamje nga vendi i ngjarjes pasi aeroplani i tij u rrëzua në një zonë malore në perëndim të Panamasë.

Siç bëhet e ditur, helikopteri mbante gjashtë persona, përfshirë Flores dhe kandidati presidencial tha se disa u plagosën në aksident.

“Helikopteri u rrëzua”, shtoi politikani mes rënkimeve nga dhimbjet. “Duhet të falënderojmë Zotin që jemi gjallë”.

“Mundohuni të dërgoni ndihmë”, tha zoti Flores. “Këtu ka me këmbë dhe krahë të thyer, uau”.

Teksa lëvizte rreth vendit të rrëzimit, mbetjet e helikopterit të tij portokalli mund të shiheshin nëpër degë të dendura në sfond.

Zoti Flores shpjegoi se aksidenti ndodhi “në 1.400 metra lartësi në male, pas [zonës së] Ceiba dhe mbërritjes në Jaramillo”.

Ai nuk dha detaje se çfarë e kishte shkaktuar rrëzimin e helikopterit.

Autoriteti i Aviacionit Civil të Panamasë shkroi në Twitter se fluturakja tashmë ishte lokalizuar dhe tha se një operacion shpëtimi ishte duke u zhvilluar.

Flores, një avokat, është njëri nga njerëzit që kërkojnë një pozicion në fletën e votimit presidencial në 2024 si një kandidat i pavarur. /Telegrafi/

.

Më Shumë

Arrestohet i dyshuari pas sulmit ndaj zyrtarit policor në Prizren

Një person është arrestuar në Prizren,  pasi kishte sulmuar fizikisht një zyrtar policor gjatë një mosmarrëveshjeje midis disa personave. Zyrtari policor ka marrë trajtim mjekësor,...

‘O do të flasësh, o do të vdesësh’- Dëshmia tronditëse e ish-partizanit: Kapiteni dhe nëntogeri më torturonin

Antifashistët që ishin burgosur në Itali në rrethana të ndryshme, por që u liruan nga anglo-amerikanët në vitin 1943, pas largimit të misionit amerikan...

Dhimbja

Lajmet e Fundit