Kryesia e Kuvendit ka thirrur për të mërkurën seancë plenare, në të cilën ka paraparë të ratifikohet marrëveshja ndërkombëtare me Bashkimin Evropian për themelimin e Gjykatës Speciale dhe për vazhdimin e mandatit të EULEX-it edhe për dy vjet.
E ka bërë këtë pa e pasur në tavolinë Projektligjin për ratifikim të kësaj marrëveshjeje.
Si instrumente të marrëveshjes do të shërbejnë letrat që kanë këmbyer presidentja Atifete Jahjaga dhe përfaqësuesja e lartë e BE-së për Politikë të Jashtme dhe Siguri, Catherine Ashton.
Me përmbajtjen e tyre janë informuar të premten kryeparlamentari Jakup Krasniqi e kryeministri Hashim Thaçi. Por ka munguar sponsoruesi i Projektligjit për ratifikimin e marrëveshjes, pjesë e të cilit do të jetë ky letërkëmbim. /Koha Ditore/