44 raste të reja me koronavirus janë regjistruar në 24 orët e fundit në Kosovë, nga testimi i 2840 mostrave, ka bërë të ditur Instituti Kombëtar i Shëndetësisë Publike në Kosovë në raportin e së mërkurës.
Brenda 24 orëve nuk është raportuar asnjë rast i vdekjes me COVID-19.
Rastet e reja pozitive janë nga komunat: Lipjan 8 raste, Vushtrri 7 raste, Prishtinë 6 raste, Gjilan 4 raste, Pejë 3 raste, Drenas 2 raste, Malishevë 2 raste, Obiliq 2 raste, Podujevë 2 raste, Prizren 2 raste, Suharekë 2 raste dhe me nga një rast komunat Ferizaj, Klinë, Mitrovicë dhe Skenderaj.
Të mërkurën janë shëruar 152 pacientë duke e ulur numrin e rasteve aktive në 3195. Në nivel vendi deri tash janë regjistruar 107 mijë e 313 raste pozitive, ndërsa 2241 persona kanë humbur jetën si pasojë e virusit.