1.8 C
Prizren
E enjte, 23 Mars, 2023

Prizren: 59 vjeçari ushtron dhunë ndaj gruas, djemtë e sulmojnë për ta shpëtuar nënën

Numri i rasteve të dhunës në familje në vendin tonë ka marrë përmasa shqetësuese. Çdo ditë raportohen raste ku viktima zakonisht janë gratë dhe vajzat që përjetojnë dhunë psikike e fizike nga bashkëshortët e tyre.

Ato shpeshherë nuk kanë guxim t’i denoncojnë këto raste në Polici për shkak se përballen me kanosje serioze, raporton Gazeta Sinjali.

Një rast i tillë ka ndodhur mbrëmë pas mesnate në një familje në Prizren dhe u denoncua nga një 59-vjeçar, i cili fillimisht u paraqit si viktimë, po më pas u zbulua se ishte i dyshuari kryesor.

Burimet nga Prokuroria kanë bërë me dije se i dyshuari ka ushtruar dhunë ndaj gruas së tij, të cilën e ka sulmuar fizikisht, derisa djemtë e tyre arritën ta ndalnin. Të rinjtë ndërhynë për ta shpëtuar nënën e tyre dhe dyshohet se e sulmuan babain.

Përballë kësaj situate, ai vendosi që të kërkojë ndihmë nga Policia, duke i denoncuar djemtë e tij, por që nuk raportoi se edhe ai kishte ushtruar dhunë në familje.

Si rezultat i raportimit të rastit, palët u shoqëruan në stacion policor për t’u intervistuar, ku dhanë deklaratat e tyre në lidhje me atë që kishte ndodhur në shtëpinë e tyre.

Me t’u përfunduar procedurat policore, Prokurori i Shtetit ka urdhëruar që ndaj tyre të iniciohet rasti për veprën penale “Dhunë në familje”.

/GazetaSinjali/

Më Shumë

Suharekë, burri shkel urdhrin mbrojtës dhe ushtron dhunë në familje

Një burrë në Suharekë ka sulmuar një grua duke e shkelur urdhrin mbrojtës. I dyshuari është dërguar në mbajtje. Rasti u iniciua si dhunë në...

Ermal Krasniqi afër marrjes së ftesës nga Kosova

Futbollisti i Cluj, Ermal Krasniqi, është afër që të ftohet nga trajneri i kombëtares së Kosovës për ndeshjet e muajit mars për kualifikimet në...

Lajmet e Fundit