13.8 C
Prizren
E shtunë, 18 Maj, 2024

Paraguaiani pesë vjeçar kollitej pa ndërprerë – zbulohet se në mushkëri kishte një objekt metalik

Një djalë të ri iu hoq një sustë metalike nga mushkëritë e tij, të cilën e kishte në trup gjatë tre muajve të fundit.

Paraguaiani pesë vjeçar vuante nga një kollë i vazhdueshëm që nga dhjetori i vitit të kaluar para se prindërit të vendosnin ta dërgonin te mjekët.

Ndërsa po kryenin kontrolle të gjera për të kërkuar shkakun e kollitjes së pandërprerë, mjekët u shtangën kur gjetën një objekt metalik në mushkërinë e majtë të djalit.

Djali u trajtua fillimisht në Spitalin Rajonal, De Villarrica dhe më pas u transferua për trajtim urgjent në Institutin Kombëtar të Sëmundjeve të Frymëmarrjes.

I riu tani thuhet se është në një gjendje të mirë shëndetësore pasi mjekët ia hoqën me sukses objektin metalik, raporton themirror.

Dr Carlos Morinigo tha se procedura ishte e ndërlikuar pasi susta metalike kishte qëndruar në mushkëritë e djalit për një kohë relativisht të gjatë, si dhe dëmet që kishte shkaktuar gjatë asaj periudhe.

Ai gjithashtu u kujtoi prindërve që të kenë kujdes të shtuar për fëmijët e vegjël, duke shtuar se ata duhet t’i dërgojnë gjithmonë tek mjeku nëse shfaqin një problem të vazhdueshëm. /Telegrafi/

Më Shumë

Moti sot me temperatura deri në 20 gradë celsius

Instituti Hidrometeorologjik i Kosovës ka bërë të ditur se sot parashihet të jetë mot me diell dhe vranësira të shpërndara. Sipas njoftimit të këtij instituti,...

25 vjet nga zhdukja e Ukshin Hotit

Më 16 maj 1999 në rrethana ende të pandriçuara është zhdukur Ukshin Hoti. Veprimtari i mirënjohur i Lëvizjes Kombëtare, profesori Ukshin Hoti u lind më...

Lajmet e Fundit