Policia në Prizren, të martën ka arrestuar dënuarin E.Xh nga ana e gjykatës, i cili kërkohej për tri vepra penale, atë të vrasjes në tentativë, shkaktimit të rrezikut të përgjithshëm dhe armbajtje pa leje. Ai do të vuajë dënimin prej 4 vite e 100 ditë.
E.Xh (1977) po kërkohej në bazë të urdhëresës me shkrim të Gjykatës Themelore në Prizren.
Një gjë e tillë është bërë e ditur nga një komunikatë nga ana e Policisë së Kosovës (PK), raporton “Betimi për Drejtësi”.
Sipas policisë, i njëjti është arrestuar pas një pune operativo-teknike e rrjedhur nga një informatë inteligjente.
“Me vendim te gjykatës dërgohet në vuajtjen e dënimeve me kohëzgjatje prej 4 vite e 100 ditë burg.”, thuhet në njoftim.