22.2 C
Prizren
E mërkurë, 30 Prill, 2025

Prizren: Gjashtë muaj burg me kusht, për rrezikim të trafikut

Gjykata Themelore në Prizren e ka dënuar me gjashtë muaj burgim me kusht të akuzuarin për veprën penale “rrezikimi i trafikut publik”, A.  P. pasi i njëjti pranoi fajësinë.  I dënuari këtë e bëri pa prezencën e avokatit mbrojtës.

Pranimi i fajësisë u aprovua nga gjykatësi Refki Piraj, pasi që nuk pati kundërshtime nga ana e prokurores Sahide Sefa.

Sipas aktakuzës të ngritur nga Prokuroria Themelore në Prizren, A. P., me 24 tetor 2015, rreth orës 16:50, përkatësisht afër marketit “Kastrati”, duke mos i’u përmbajtur dispozitave të komunikacionit në rrugë, rrezikon trafikun publik, jetën e njerëzve dhe pasurinë.

Këtë e bënë në atë mënyrë që me automjetin e tij “BMW” , duke mos e përshtatur shpejtësinë e lëvizjes në rrugë, dhe duke mos e siguruar distancën e mjaftueshme për tu kyçur i sigurt, në pjesën e pasme goditet nga automjeti i markës “VW Golf”, të cilën e drejtonte i dëmtuari R.  G.

Me këtë rast, përpos dëmeve material në automjet, i dëmtuari Gashi pëson edhe lëndime të lehta trupor.

Në bazë të këtij veprimi, A. P.  ishte akuzuar për veprën penale “rrezikim të trafikut publik” nga neni 378 paragrafi 6, lidhur me paragrafin 1, të Kodit të ri Penal të Republikës së Kosovës , e cila dënohet me gjobë ose me burgim deri në një vit./betimiperdrejtesi/

Më Shumë

Mot i vranët me intervale me diell dhe reshje shiu të mundshme

Instituti Hidrometeorologjik i Kosovës (IHMK), ka njoftuar se sot në vendin tonë do të mbajë mot i vranët dhe me intervale me diell, ku...

Çdo gjë gati për Final 4 të Kupës, premtohet spektakël

Të premten në Federatën e Hendbollit të Kosovës është mbajtur konferencë për shtyp lidhur me Final 4 të Kupës së Kosovës në hendboll. Në konferencë...

Lajmet e Fundit