Seanca e paraparë të mbahej të mërkurën në Gjykatën Themelore në Prizren, ndaj të akuzuarit për përvetësim në detyrë, Besnik Huqaj, nuk është mbajtur sepse i njëjti ka munguar. Huqaj përmes avokatit të tij, Visar Ostrozubi, ka njoftuar gjykatën se nuk mund të marrë pjesë në këtë seancë dhe ka kërkuar që e njëjta të shtyhet për një datë tjetër.
Në arsyetimin e tij, Huqaj ka njoftuar se në të njëjtën ditë do të marrë pjesë në një mbledhje të Komunës së Dragashit dhe punë-kryesit të punimeve të Hidrocentralit të Dragashit, firmës Renelual Tahiri, në lidhje me shpronësimet e pronave ku do të ndërtohet ky hidrocentral.
Kryetari i trupit gjykues, Skender Çoçaj, në këto rrethana, ka shtyrë shqyrtimin për 27 shkurt 2017, prej orës 13:00.
Sipas aktakuzës, Besnik Huqaj, akuzohet se duke punuar si arkëtar në ujësjellësin “Hidroregjioni Jugor”, dega në Dragash, ka përvetësuar nga arka, në mënyrë të paligjshme, shumën e parave prej rreth 3 mijë eurove./betimiperdrejtesi/