20.8 C
Prizren
E enjte, 2 Maj, 2024

Prizren, nismë për riparimin e obeliskut kushtuar dy pilotëve amerikanë

Pjesa e prapme e obeliskut në Prizren, kushtuar dy pilotëve amerikanë, që kishin humbur jetën në vitin 1999 në afërsi të kufirit Shqipëri-Kosovë, është dëmtuar.

Dyshimet fillestare janë se pllaka e prapme ka rënë vetvetiu. Por, disa veteranë të UÇK-së kanë shprehur gatishmërinë që në mënyrë vullnetare ta rregullojnë memorialin, i cili ndodhet në rrugën “Ibrahim Rugova” në Prizren, raporton KOHA.

Invalidi dhe veterani i UÇK-së, Hysni Rexhaj, tregon se nismës për riparimin e pjesës së dëmtuar të obeliskut i janë bashkëngjitur disa veteranë, meqë konsiderojnë se vepra e dy ushtarëve amerikanë meriton respekt.

“Ky është një memorial i dy dëshmorëve amerikanë, të cilët i kanë ardhur në ndihmë popullit tonë. Thjesht duke pirë kafe, me vetëdëshirë, me disa shokë, grup veteranësh grumbulluam mjete për ta rregulluar memorialin e dy ushtarëve amerikanë këtu në Prizren, që është dëmtuar vetvetiu”, ka thënë Rexhaj.

Sipas tij, secili memorial në Komunën e Prizrenit meriton të ketë përkujdesje institucionale.

“Janë duke u kujdesur dhe kujdesen dhe duhet të kujdesen. Po se mbrojtëm të kaluarën, nuk do të kemi të ardhme”, ka shtuar ai.

Ushtarët e ndjerë amerikanë, David Gibbs dhe Kevin Reichert, kishin humbur jetën në maj të vitit 1999, pas rrëzimit të helikopterit “Apache” gjatë një fluturimi rutinor në afërsi të kufirit Shqipëri-Kosovë.

Obelisku në Prizren në nderim të tyre ishte përuruar më 26 maj të vitit 2014, me rastin e shënimit të Ditës së Përkujtimit të ushtarëve amerikanë që kanë rënë gjatë shërbimit në forcat e armatosura.

Më Shumë

Dortmundi mposht PSG-n, finalisti vendoset në Paris

Borussia Dortmund e ka mposhtur PSG-n, me rezultat 1-0, të mërkurën mbrëma në ndeshjen e parë të gjysmëfinales së Ligës së Kampionëve. ‘Milionerët’ e Gjermanisë...

Vajza në Rahovec raporton se i është zhdukur nëna

Një vajzë nga Rahoveci, ka raportuar në Polici se nëna e saj është larguar nga shtëpia të shtunën e javës së kaluar dhe nuk...

Lajmet e Fundit