Sot në Sheshin e Shatërvanit, një ditë para festës së 1 Majit po qëndron qendra mobile e Transfuzuonit të Gjakut, në pritje të qytetarëve vullnetmirë për t’iu bashkuar këtij aktiviteti.
Në një prononcim për Klan Kosovën, menaxherja për Promovim të Dhurimit Vullnetar të Gjakut, Albana Gashi, tha se ky aksion që ka filluar do të vazhdojë gjatë gjithë Muajit të Ramazanit por edhe gjatë gjithë sezonit të verës marrë parasysh se përshkak të pushimeve të sezonit, fluksi i qytetarëve është më i lartë.
Gashi mes tjerash tha se numri i dhuruesve është i kënaqshëm dhe shpresojmë që deri në fund të ditës, kur edhe përfundon ky aksion, kjo shifër pritet të rritet.
Përveç Prizrenit qendra për dhurim të gjakut do të bartet edhe nëpër qytete të tjera të Kosovës.
Kurse, derisa po vazhdon pritja për dhurimin e gjakut, në Sheshin e Shatërvanit, po vazhdojnë edhe punimet në riparimin e hapësirës së kësaj zone e cila edhe sot është mjaftë e frekuentuar nga qytetarët.