Filan Fisteku është shkencëtar mashtrues. Ai ka arritur të publikojë një “Revistë shkencore”, ku i kishte publikuar tri punime edhe rektori Ibrahim Gashi, e të cilit vjet i janë vlerësuar si kontribut i mjaftueshëm shkencor sa për të marrë gradën më të lartë akademike që jep Universiteti i Prishtinës “Profesor i rregullt”.
Nën identitetin e Filan Fistekut janë testuar kriteret e publikimit të revistës ndërkombëtare të Inxhinjerisë dhe Shkencave Menaxhuese me seli në Indi, ku kanë publikuar “punimet shkencore”, rektori disa profesorë dhe një dekan i Kosovës, shkruan Koha Ditore.
Duke vepruar kundërligjshëm është marrë “Manifesti” i Marksit.
Fillimisht i është ndërruar titulli nga “Parimet e komunizmit” në “Parimet e menaxhimit të manifestuar në universitetin publik në një vend të zhvillimit: rasti i Kosovës”. Pastaj, është kopjuar përmbajtja e 12 pikave të para të “Manifestit” dhe me disa ndryshime, është përcjell për botim në revistën e Indisë. Kjo dëshmon se një pjesë e profesorëve të Kosovës, avancohet në grada akademike duke shfryëzuar revista të rreme shkencore. /Koha Ditore/
Profesorët mashtrues të UP-së