Në një bisedë të gjatë në Interaktiv të KTV-së, Nuri Bexheti ka thënë se nuk sheh asnjë arsye për të dhënë dorëheqje rektori Ibrahim Gashi, pasi që sikur edhe “edhe shumë shkencëtarë të tjerë të mëdhenj nëpër botë kanë botuar nëpër revista të rreme”.
I pyetur për të treguar cilët janë këta shkencëtarë të mëdhenj, Bexheti nuk ka pasur asnjë përgjigje.
Prorektori Bexheti ka thënë se studentët e kanë mundësinë që t’u dëgjohet zëri i tyre në organet e ndryshme në Universitet, transmeton Koha.
Bexheti ka thënë se e ka mik të mirë ish-shefin e SHIK-ut, Kadri Veseli dhe akoma mik më të mirë kryeministrin Thaçi, por ka mohuar se ka qenë ndonjëherë pjesë aktive e SHIK-ut.
Ish-këshilltar politik i dy ministrave të PDK-së, Enver Hoxhaj dhe Ramë Buja, Bexheti e ka pranuar se është dënuar me 1000 Euro për mosdeklarim të pasurisë, por kjo sipas tij ka ndodhur për shkak të një gabimi teknik.