27.6 C
Prizren
E martë, 26 Gusht, 2025

Protestat, opsion i vetëm i opozitës

Tri partitë opozitare, Lëvizja “Vetëvendosje”, Aleanca për Ardhmërinë e Kosovës dhe “Nisma për Kosovën” kanë vendosur që më 18 prill të protestojnë kundër “kapjes” së shtetit, por ende nuk kanë detaje rreth organizimit. Por, hollësitë rreth protestës së thirrur kundër Qeverisë nuk i kanë të qarta as vetë subjektet politike opozitare.

Kohëzgjatja, numri i protestuesve, rrjedha e saj, nuk janë diskutuar ende nga opozita, por ata thonë se protesta e thirrur nga ta ka një listë me kërkesa, të cilat i adresohen ekzekutivit.

Zgjim Hyseni, anëtar i Kryesisë së Lëvizjes “Vetëvendosje”, ka thënë se subjektet opozitare do të organizojnë ditëve në vijim konferencë të re për media, ku do t’i njoftojmë qytetarët për hollësitë e protestës.

“Ajo çka dihet sigurt është që kjo as nuk është protesta e parë dhe as nuk do të jetë e fundit e organizuar nga subjektet e opozitës”, ka sqaruar Hyseni.

Ai ka shtuar se do të vazhdojnë me protesta e demonstrata ngase nuk presin që kjo Qeveri do të jetë ndryshe nga e kaluara. Hyseni ka potencuar se “Vetëvendosja” nuk pret që shteti të çlirohet nga kapja që i është bërë prej Qeverisë./Zëri/

Më Shumë

OVL-UÇK: Gjithçka gati për protestën e 14 shtatorit në Hagë

Organizata e Veteranëve të Luftës së UÇK-së ka mbajtur një konferencë për media për të treguar detajet e protestës që do të mbahet në...

Artan Abrashi me kritika për pushtetin e Prizrenit:Ka mungesë të parkingjeve

Kandidati i Vetvendosjes për të parin e Prizrenit në zgjedhjet lokale 2025, Artan Abrashi ka kritikuar pushtetin aktual për mungesën e parkingjeve në këtë...

Lajmet e Fundit