8.8 C
Prizren
E shtunë, 3 Dhjetor, 2022

Protestojnë transportuesit e Prizrenit (Video)

Operatorët e transportit të udhëtarëve që janë pjesë e shoqatës “Kosova e lirë” të martën kanë shprehur pakënaqësinë rreth moszbatimit të vendimit të Kuvendit të Prizrenit për subvencionimin e tyre me nga 5 mijë euro.

Në pamundësi të organizimit të protestës, ata kanë bërë xhiro me autobusë para ndërtesave komunale.

Nënkryetari i shoqatës “Kosova e Lirë”, Islam Ukimeri, ka theksuar se vendimi i Kuvendit të Komunës së Prizrenit, i datës 2 korrik 2020, nuk po zbatohet njëanshëm nga drejtoria e Ekonomisë, ani pse është obligativ për të.

Sipas tij, vendimi i Kuvendit ka specifikuar numrin e 26 operatorëve për përkrahje me nga 5 mijë euro, ndërsa kanë rezultuar që të jenë 33 operatorë dhe 7 operatorë kanë mbetur në listë të pritjes.

“Prandaj shoqata ‘Kosova e Lirë’ dje ka mbajtur mbledhje me të gjitha kompanitë dhe kërkojnë unanimisht që nga AK që të merret një vendim i ri, që edhe këta 7 operatorë të përkrahen njëjtë si të tjerët, dhe mos të tentohet të ndryshohet vendimi i datës 2 korrik, pasi që kjo përpos që ul vlerën e subvencionimit, shkakton edhe vonesa të mëdha derisa të aprovohet ligjshmëria nga ministria përkatëse”, ka thënë Ukimeri.

Ndërsa drejtoresha e Ekonomisë, Leonora Çerreti, ka theksuar se lidhur me vendimin e kontestuar kanë hasur në vështirësi në aspektin ligjor dhe i njëjti duhet të plotësohet.
“Edhe është e vërtetë që njëherë e kemi marrë një listë, kanë qenë 26 operatorë, më pastaj edhe një listë tjetër dhe kanë dalë edhe 7 apo 8 operatorë që nuk kanë qenë të përfshirë në atë listë. Pastaj kemi pranuar edhe ankesa, sikurse ne edhe asamblesitët, që i diskutuam dje në mbledhjen në Komitet. Kështu që kemi ardhë në përfundim që lista që është votuar në Asamble në korrik nuk ka qenë e definuar, prandaj ka nevojë që ky vendim të plotësohet”, tha ajo.

Kuvendi i Prizrenit në korrik pati miratuar vendimin për subvencionimin e 26 operatorëve të transportit rrugor me nga 5 mijë euro, duke ndarë 130 mijë euro për këtë qëllim.

 

Protestojnë transportuesit – Transportuesit e Prizrenit kërkojnë të përfshihen në listën e subvencioneve

Protestojnë transportuesitTransportuesit e Prizrenit kërkojnë të përfshihen në listën e subvencioneve

Gepostet von RTK am Dienstag, 29. September 2020

Më Shumë

Zelensky: Rusët po planifikojnë diçka në jug

Presidenti ukrainas Volodymyr Zelensky, njoftoi mbrëmë në kanalin e tij Telegram, se forcat ruse “megjithë humbjet jashtëzakonisht të larta, ende po përpiqen të avancojnë...

Komunat shqetësohen për të hyrat vetanake

Miratimi i Projektligjit për Financa Lokale, të cilin qeveria së fundmi e tërhoqi nga plani legjislativ, po vlerësohet shumë i nevojshëm. Një gjë të...

Moti për sot

Lajmet e Fundit