7.6 C
Prizren
E diel, 16 Shkurt, 2025

Pse u quajt rezidenca e presidentëve ‘Shtëpia e Bardhë’?

Çdo kush ka kuriozitetin të dijë se përse rezidenca e Presidentëve të Amerikës quhet Shtëpia e Bardhë.

Ajo lidhet me zjarrin që i vunë britanikët dhe më pas për të zhdukur gjurmët dhe shenjat e zjarrit u lye me gëlqere. Studiuesja e njohur Albana Lifschin ka publikuar historikun e Shtëpisë së Bardhë.

Albana Lifschin

Vendin ku do të ndërtohej shtëpia e presidentit të Shteteve të Bashkuara të Amerikës e zgjodhi vetë presidenti Xhorxh Uashington në vitin 1791.

Ndërtimi i shtëpisë së Presidentit filloi një vit më vonë por vetë në nëntor të vitit 1800 shtëpia priti banorët e pare të saj. Madje edhe atëherë shtëpia nuk ishte veshur ende me mobilje.

Abigel Adamsi, gruaja e presidentit të dytë të Shteteve të Bashkuara, Xhon Adamsit, shkruante kështu për shtëpinë e re: “Kjo shtëpi është bërë tashmë e banueshme, por ende s’ka as edhe një mobilje të vetme brënda. Dhomën më të madhe të saj, unë e përdor për të nderur rrobat.”

Gjatë luftës së vitit 1812 me Anglinë, siç thamë, anglezët hynë deri në kryeqytetin e vëndit, në Washington DC, i cili ishte i pambrojtur.

Presidenti atë kohë nuk ndodhej aty. Para se të linte Shtëpinë e Presidentit, siç quhej atë kohë, Dolli Medison, gruaja e presidentit Xhejms Medison, arriti të shpëtonte nga djegia një pikture të madhe të Xhorxh Uashingtonit, vepër e piktorit të famshëm Gilbert Stuart dhe objekte të tjera të rëndësishme. Ushtarët anglezë I vunë zjarrin Shtëpisësë Presidentit.

Shtëpia e Presidentit u rindërtua më vonë duke ruajtur po atë pamje e arkitekturë. Sidoqoftë pas rindërtimit të saj të gjitha muret u lyen me ngjyrë të bardhë për të fshirë gjurmët e zjarrit. Që nga ajo kohë, amerikanët u mësuan ta thërrisnin shtëpinë e presidentit “Shtëpia e Bardhë.”

Më Shumë

Një person nga pakujdesia godet me veturë dyert e një shtëpie në Dragash

Një person në Dragash nga pakujdesia ka goditur me veturë dyert e një shtëpie në Dragash. Sipas raportit të policisë, përveç dëmeve materiale, nuk raportohet...

Mjekët thonë se një person u soll pa shenja jete në QKMF-në e Malishevës

Policia ka nisur hetimet rreth një rast në Malishevë. Ngjarja ka ndodhur ditën e djeshme rreth orës 14:20. Sipas raportit 24 orësh, një person ishte sjellur...

Lajmet e Fundit