Presidenti rus, Vladimir Putin ka paralajmëruar ata që kundërshtojnë veprimet e Rusisë në Ukrainë “të mos e përkeqësojnë situatën” duke vendosur më shumë kufizime ndaj vendit të tij.
Presidenti rus po fliste në një takim qeveritar të transmetuar në kanalin e lajmeve të kontrolluar nga shteti ‘Rossiya 24’.
“Ne nuk kemi qëllime të këqija kundër fqinjëve tanë,” pohon Putin.
Ai potencoi se qeveria e tij nuk sheh “nevojë” që fqinjët e saj të ndërmarrin veprime të mëtejshme që do t’i “përkeqësonin marrëdhëniet e tyre”.
“Unë mendoj se të gjithë duhet të mendojnë se si të normalizojnë marrëdhëniet, të bashkëpunojnë normalisht dhe të zhvillojnë marrëdhëniet normalisht,” shton ai.
Ky deklarim erdhi derisa ministrat e jashtëm nga i gjithë Perëndimi u mblodhen në Bruksel për të shqyrtuar se si të mbajnë presionin ndaj Rusisë.
Putin gjithashtu përsëriti pretendimin e tij të mëparshëm se të gjitha veprimet e ndërmarra nga ushtria ruse deri më tani janë bërë “ekskluzivisht në përgjigje të disa veprimeve jomiqësore kundër Federatës Ruse”. /BBC