Gazetari Qazim Morina, vlerëson se fajtorë për gjendjen e krijuar në arsimin e Prizrenit nuk është vetëm pozita. Ai thotë se një pjesë të fajit e ka edhe opozita.
“Gjithsesi fajtore është edhe opozita”, thotë Morina për “PrizrenPress”.
Sipas tij, problemet dhe politizimi i arsimit në këtë qytet, ka filluar në kohën e qeverisjes së LDK-së.
“Tash natyrisht se problemet janë thelluar”.
Kuvendi i Prizrenit, dje ka mbajtur një seancë të jashtëzakonshme për gjendjen e arsimit në këtë qytet. Partitë opozitare kanë akuzuar pushtetin për degradimin të arsimit.
Gazetari Morina thotë ndërkaq seanca e djeshme më shumë i ka ngjarë rubrikës së emisionit të KTV-së “Hajt pak”.
“ E tëra i ngjante rubrikës së famshme “Hajt pak”, ku secili shfryen mllefin dhe flasin para kamerave, e më pas secili në punën e tij”.
“Për më keq duket se opozita shihet e dobët, aq më tepër kur në foltore disa opozitarë kritikonin “paraqitjen e disa kolegëve të tyre nga opozita”.
“Disa opozitarë kanë folur në stilin “Ta laj gojën”.
“Kjo tregon se një pjesë e opozitës nuk është e sinqertë në paraqitjen e saj, ndërsa kjo e përforcon edhe më tepër pushtetin, ndonëse gjendja nuk mund të thuhet se është e mirë në arsimin prizrenas”.
Gazetari Morina thotë se në arsim janë punësuar edhe militant të opozitës.
“Ajo që këshilltari Shukri Quni u tha kolegëve nga opozita, duke shikuar tek ata të LDK-së, se drejtori i DKA-se, Nexhat Cocaj ka punësuar e regjistruar edhe
njerëz te tyre tregon me se miri për lëshime”/PrizrenPeress.com/