Akuza e kryeministrit Isa Mustafa në drejtim të opozitës se këto të fundit janë fajtore pse Kosovës nuk iu hoqën vizat këtë fundvit, njëjtë si Ukrainës dhe Gjeorgjisë, vlerësohet si e pabazë.
Por, analistët politikë në vend thonë se pikërisht Qeveria e Kosovës është fajtorja pse Kosovës nuk iu hoqën vizat, pasi që, siç thonë ata, ky koalicion qeverisës ka pasur më shumë se 80 deputetë në Parlament, të cilët pa kurrfarë problemi kanë mundur ta kalojnë çdo marrëveshje, apo Ligj, ndonëse kanë dështuar në këtë drejtim.
Ndërsa opozita, sipas tyre, nuk e ka fuqinë politike e as mandatin për të qeverisur me vendin. /Zëri/