0.8 C
Prizren
E diel, 29 Janar, 2023

Radiologia e vetme në QKMF-në e Prizrenit, ushtruese detyre e zëvendësdrejtorit

Shërbimi i radiologjisë në Qendrën Kryesore të Mjekësisë Familjare në Prizren mbulohet nga një radiologe ku kryhen rentgene bazike, eho të gjirit dhe mamografi.

Mirëpo, krahas këtyre së fundmi radiologia e vetme e këtij institucioni të kujdesit parësor ka marrë edhe një detyrë të  re menaxheriale.

Më 13 dhjetor të 2022-ës, me një vendim të kryetarit, Shaqir Totaj, radiologia Shpresa Goçaj është emëruar si ushtruese detyre e zëvendësdrejtorit. Kjo me arsyetimin se çdo QKMF që numëron mbi 100 të punësuar ka edhe këtë pozitë, bazuar në Udhëzimin Administrativë për Kujdes Parësor 04/2020, njofton Klan Kosova.

Ndaj, opozita po cilëson se mbajtja e dy përgjegjësive mund të ndikojë në dëmtimin e shërbimeve dhe qytetarëve.

Sipas asamblistes nga Lëvizja Vetëvendosje, Dafina Alishani, edhe vendimi i kryetarit Totaj sa i përket emërimit, është i paligjshëm referuar udhëzimit administrativ, ngase procedurat e rekrutimit për këtë pozitë  duhet t’i zhvillojë Drejtoria e Shëndetësisë.

Alishani, po ashtu thekson se nuk e di se si do të  paguhet radiologia në fjalë për dy pozitat të cilat po i mban aktualisht.

Lidhur me këtë televizionit nuk i është përgjigjur as radiologia Shpresa Goçaj dhe as Drejtoresha e Shëndetësisë, Burbuqe Berisha, teksa as nga kabineti i kryetarit nuk dhanë përgjigje.

Më Shumë

Ky është i riu që humbi jetën aksidentalisht në Prizren

Arlind Kelmendi është personi që humbi jetën aksidentalisht në Prizren. Viktima ishte I shoqëruar me një mik. Ai ishte bllokuar në veturë dhe u nxor n...

Mot i vranët sot në Kosovë

Sot në Kosovë pritet të mbajë mot i vranët. Sipas Institutit Hidrometeorologjik të Kosovës, temperaturat minimale pritet të sillen ndërmjet 0 dhe 3 gradë Celsius,...

Lajmet e Fundit