Pas nënshkrimit të Memorandum Bashkëpunimit në mes të komunës së Rahovecit dhe ministrisë së Diasporës, drejtori i Administratë së Përgjithshme Sali Sallteku ka bërë përgatitjet e nevojshme për sezonin e verës, përkatësisht muajve korrik-gusht, pasi që në këta dy muaj do të vijnë shumë bashkatdhetar të cilët jetojnë jashtë Kosovës.
Sipas tij, nga data 13 korrik deri me datë 29 gusht 2015, do të zgjatet orari i punës.
“Zgjatja e orarit të punës është krejt normale pasi që edhe në vitin e kaluar është zgjatur orari për muajt korrik-gusht, kjo është duke u bërë që të respektohet nënshkrimi i Memorandumit të Bashkëpunimit i nënshkruar nga kryetari i komunës së Rahovecit me ministrin e Diasporës për bashkatdhetarët tanë të cilët vijnë për pushime, të ju ofrojmë mundësi që të mos presin gjatë nëpër sportele për pajisjen e tyre me dokumente siç janë certifikatat, ekstraktet dhe dokumentet të tjera”, thotë Sallteku.
Zgjatja e orarit të punës është bërë nga e hëna deri të premten, të punohet nga ora 08:00-18:00, kurse ditën e shtunë do të punohet nga ora 09:00-12:00, kjo zgjatje e orarit të punës është bërë për zyrtarët e zyrës së gjendjes civile, zyrës së pranimit dhe zyrës së tatimit në pronë, të cilët gjendën në objektin e komunës së Rahovecit. /PrizrenPress.com/