Shoqata për të drejtat e pacientëve në Kosovë (PRAK) në bashkëpunim me Ministrin e Shëndetësisë (MSH) dhe Shërbimin Spitalor Klinik Universitar (SHSKUK) përkrahur financiarisht nga Programi i Kombeve të Bashkuara për Zhvillim (UNDP) dhe Agjencia Zvicerane për Zhvillim dhe Bashkëpunim , ka hapur zyrat për Ankesa të pacientëve – “Protektori për Pacientë”.
Zyra për Ankesa të pacientëve pranon ankesa nga pacientët, shqyrton ankesat e pacientëve, në rastet e rënda menjëherë lajmëron inspektoratin shëndetësor dhe komisionin për mbikëqyrjen e linjës telefonike falas të pacientëve, përcjell zbatimin e ligjit dhe vepron konform tij në rast njoftimi të shkeljes së të drejtave të pacientëve, jep rekomandime dhe mendime për planet e mbrojtjes, kryen dhe përcjell aktivitete në promovimin dhe përparimin e të drejtave të pacientëve, dhe është ne dispozicion të publikut dhe me një qasje të drejtpërdrejtë harton aktivitete që do të edukojnë publikun në fushën e mbrojtjes së pacienteve, dhe në fushën e përdorimit të përgjegjshëm të sistemit shëndetësor.
Zyret gjenden në Prishtinë dhe Prizren:
Zyra për Ankesa të Pacientëve në Prishtinë gjendet në hyrjen e repartit të Ortopedis,kat i parë “QKUK”- Tel: 044 /411- 099 / email: [email protected].
Zyra për Ankesa të Pacientëve në Prizren gjendet në ndërtesën e Pediatris dhe Internos kati i parë në Spitalin Rajonal “Prim Dr.Daut Mustafa”.-Tel.044/411-232 / email: [email protected].
/PrizrenPress.com/