Duke e ditur faktin se Prizreni dhe rrethina kanë pasuri të veçanta bimore, e nga to shumica shëruese, Zahadin Gashi organizoi këto ditë festivalin e bimëve mjekësore, çajit dhe produkteve herbale.
Pjesëmarrësit e këtij panairi patën rastin të njihen me vlerat dhe arsyeshmëritë e përdorimit të bimëve mjekuese, çajit dhe produkteve herbale në parandalimin dhe mjekimin e sëmundjeve.
Me këtë rast, Zahadin Gashi bëri promovimin e produkteve nga bimët, shkruan Kosova Sot. Ai tha se Kosova është një vend shumë i pasur me bimë aromatike, fruta të bimëve malore dhe bimëve, të cilat përmbajnë përbërës aktivë dhe vajra eterike shumë të çmueshme dhe të përdorshme në mjekësinë alternative-natyrore.