Brenda 24 orësh në rajonin e Prizrenit janë shënuar disa ngjarje. Më poshtë po e sjellim pa ndërhyrje raportin e Policisë së Kosovës.
INCIDENTET KRIMINALE
MOSRESPEKTIM I URDHRIT TË PERSONIT ZYRTAR
Suharekë 10.07.2014 – 20:45. Derisa Policia ka qenë duke ia shqiptuar një tiketë për kundërvajtje të dyshuarit mashkull K/Shqiptar, ky i fundit i ka penguar dhe ofenduar zyrtarët policorë. I dyshuari është arrestuar, pas intervistimit me vendim të prokurorit i dyshuari lirohet në procedurë të rregullt.
ARMËMBAJTJE PA LEJE
Rr. “Selver Maqkaj”, Prizren 10.07.2014-14:30. Raportohet se gjatë kontrollit në shtëpinë e të dyshuarit mashkull K/Shqiptar policia ka gjetur dhe konfiskuar një pistoletë me gaz e llojit EKOL Volga 9 mm. Me urdhër të prokurorit i dyshuari pas intervistimit është liruar në procedurë të rregullt.
VJEDHJE E RËNDË
Fshati Gelancë, Suharekë 10.07.2014 – 15:40. Raportohet se persona të dyshuar kishin thyer xhamin e pasmë të veturës pronë e një mashkull K/Shqiptar, me ç’rast kanë vjedhur dy pasaporta biometrike të lëshuara nga Republika e Kosovës në pronësi të dy meshkujve K/Shqiptarë.
INCIDENTET TJERA /NGJARJET
AKSIDENT TRAFIKU ME LËNDIME TRUPORE
Fshati Lutogllav, Prizren 10.07.2014 – 15:45. I dyshuari mashkull K/Shqiptar me veturën e tij ka goditur këmbësorin mashkull K/Shqiptar të cilit i ka shkaktuar lëndime të rënda trupore. Viktimës i është ofruar ndihma mjekësore. I dyshuari është arrestuar, me vendim të prokurorit i njëjti dërgohet në mbajtje.
GJETJE E MJETIT TË PASHPËRTHYER
Lagja Dardania, Prizren 10.07.2014 10:10. Një mashkull K/Shqiptar ka njoftuar në polici se kishte gjetur një mjet të pashpërthyer. Policia ka bërë sigurimin e vendit të ngjarjes derisa njësiti për deminim i FSK-së ka bërë tërheqjen e mjetit në mënyrë të sigurt dhe pa incidente.
ARRESTIM I PERSONIT TË KËRKUAR
Fshati Zhur, Prizren 10.07.2014 11:00. Me urdhëresë të lëshuar nga Gjykata Themelore në Prizren është arrestuar një mashkull K/Shqiptar dhe i njëjti është dërguar në vuajtje të dënimit në burgun e qarkut në Prizren.